सीमा क्षेत्रया अनुगमन

सीमा क्षेत्रया निरिक्षणया निंतिं दाङ्ग वंगु संसदीय पुचः व सर्वदलीय पुचलं थौं नं सीमा क्षेत्रया निरिक्षण यायेगु ज्या या:गु दु ।

अन्तर्राष्ट्रिय स्वापू व मानवअधिकार समितिया सभापति पद्मलाल विश्वकर्माया नेतृत्वय् उगु पुचः पूर्वी नाका कोइलाबास थ्यंगु दु । कोइलाबास थ्यंकाः पुचलं अन स्थानीयबासीतलिसे अन्तकि्रया यायेगुया लिसलिसे सीमा क्षेत्रया अनुगमन याःगु दुसा थौं हे पटौली नाका वनेगु ज्याझ्वः क्वःछिनातःगु दु । अथेहे राष्ट्रिय हितया संरक्षण समितिया सभापति व माओबादी नेता अमिक शेरचन नेतृत्वया सर्वदलीय पुचः नं राजपुरया भौवा नाका थ्यंगु । निगुलिं पुचलं कन्हय् राजपुरया खाङ्ग्रा नाकाय् नापलायेगु ज्याझ्वः नं क्वःछिनातःगु दु । निगुलिं पुचलं न्यान्हुतक सीमा क्षेत्रया न्यासि वनाः निरिक्षण याइ ।