शैलजा अस्पताल भर्ना

नेपाली कांग्रेसया नेता शैलजा आचार्य छक्वलं हाकनं म्हं मफयेवं वय्कःयात थौं सनिलय् त्रिवि शिक्षण अस्पताल महाराजगाजय् भर्ना याःगु दु । आपतकालीन उपचार कक्षय् भर्ना जुयादीम्ह आचार्ययात थप वासःया निंतिं उगु हे अस्पतालया सघन उपचार कक्षय् तयातःगु डा. कविरनाथ योगीं जानकारी बियादीगु दु । वय्कःयात नापलायेगु निंतिं अस्पतालय् नेपाली कांग्रेसया शीर्ष नेता व कार्यकर्तातय्गु हूल मुंगू दु । मय्जु आचार्य अस्पतालय् ताःहाकःगु ईतक वासः याकाः छुं दिं न्ह्यः जक छेँय् झायादीगु खः ।