एमाले केन्द्रीय समितिया बैठक च्वन

नेकपा (एमाले)या केन्द्रीय समितिया बैठक पार्टी ज्याकु बल्खुइ च्वंगु दु । बैठकय् केन्द्रीय दुजःतय्गु ज्या विभाजन सम्वन्धी प्रस्ताव न्ह्यब्वयेगु ज्या जूगु खः ।

मू छ्याँज्य् ईश्वर पोखरेलया नेतृत्वय गठन जूगु झिंछम्ह दुजः दुगु पुचलं थौं पार्टी संगठन अनुशासन विभाग सांस्कृतिक क्षेत्र स्कुलिङ्ग विभाग लगायतया फुक्क समितिइ केन्द्रीय दुजःतय्गु ज्या विभाजनया प्रस्ताव बैठकय् न्ह्यब्वःगु दु । पार्टी नायः झलनाथ खनालं थ्व स्वयां न्ह्यः हे सहलहया निंतिं केन्द्रीय समितिइ न्ह्यब्वःगु दच्छिया ज्या योजनाया बारे नं थौंया बैठकय् सहलह जूगु दु । छगू पद छगू जिम्मेवारीया सिद्धान्तकथं मन्त्रीमण्डलय् ब्वति काइपिं केन्द्रीय दुजःतय्त निगूगु जिम्मेवारी बिइमज्यूगु खँय् आपालं केन्द्रीय दुजःत छगू मत खनेदु ।