जनसेनाया समायोजन सरकारया न्हापांगु प्राथमिकता : प्रम नेपाल

प्रधानमन्त्री माधव कुमार नेपालं माओबादी जनसेनाया समायोजन सरकारया न्हापांगु प्राथमिकता जूगु धयादीगु दु । एमाले निकट पत्रकारतय्गु संस्था प्रेस चौतारी नेपालं थौं लःल्हाःगु ज्ञापन पौ लःल्हानाः कयादिसें प्रधानमन्त्री नेपालं उगु खँ धयादीगु खः । वय्कलं माओवादी जनसेनाया समायोजन सरकारया न्हापांगु प्राथमिकता जूगुलिं थुकियात पूवंकेमाःगु सरकारया दायीत्व जूगु न्ह्यथनादीगु दु । प्रेस स्वतन्त्रता व पत्रकारदथुइ जुयाच्वंगु पंगःत दिकेमाःगु पत्रकारतय्गु मागप्रति प्रधानमन्त्री नेपालं थः गंम्भिर जुयाच्वनागु खँ धयादीगु दु । नेपालं पत्रकारया माग नं सरकारया प्राथमिकताय् लाःगु धयादीगु खः । थ्वहे झ्वलय् प्रधानमन्त्री माधव कुमार नेपालं थौं चिनीया व बेलायती राजदूतलिसे थःगु हे कार्यकक्ष िसंहदरबारय् नापलानादीगु खः ।