फोरमया निगू पुच: दथुइ ल्वापू

वीरगंजय् मधेशी जनअधिकार फोरम उपेन्द्र यादव पुचः व विजय कुमार गच्छेदार पुचःया कार्यकर्तादथुइ थौं ल्वापु जूगु दु । फोरम यादव पुचःया वीरगाजय् जुयाच्वंगु बैठकय् गच्छेदार पुचःया कार्यकर्तां नाराबाजी यानाः वयाच्वंगु इलय् ल्वापु जूगु खः । ल्वापुया झ्वलय् सभासदलिसे बागू दर्जन कार्यकर्ता घाःपाः जूगु दु । बैठक न्ह्यानाच्वंगु इलय् गच्छेदार पुचःया सभासद्पिंसं नारा जुलुसलिसे बैठकय् दुहाँवनेत स्वयेवं निखलसिया दथुइ ल्वापु जूगु खः । ल्वापुइ लानाः गच्छेदार पुचःया सभासद् करिमा बेगम व दुर्गादेवी महतो घाःपाः जूगु जानकारी ब्यूगु दु । यादव पुचःया बैठक च्वंगु विरगाजया होटल सम्झनाय् प्रहरीं तच्वय्क सुरक्षा ब्यूगु दु । यादव पुचःया थौंया बैठकं पार्टीया मेगु रणनीति व सतक आन्दोलनया ज्याझ्वः नापं क्वःछुइगु नायः उपेन्द्र यादवं जानकारी बियादीगु खः ।

मधेशी जनअधिकार फोरमया नायः उपेन्द्र यादवं नेपाली कांग्रेसया सभापति गिरिजाप्रसाद कोइराला व प्रधानमन्त्री माधवकुमार नेपाल भारतीय एजेन्ट जूगु द्धपं नं बियादीगु दु । विरगन्जय् न्ह्याःगु केन्द्रीय कार्य समितिया बैठक न्ह्यः साचारकःमििपंलिसे खँ ल्हानादिसें वय्कलं थःगु पार्टीयात उिपं निम्ह नेता छप्पँ जुयाः तछ्याःगु द्धपं नं ब्यूगु दु । विजयकुमार गच्छेदारं निर्वाचन आयोगय् न्ह्यब्वःगु केन्द्रीय समितिया दुजःतय्गु ल्याः पार्टी केन्द्रीय कमिटीं निष्कासन याःपिनिगु जक जूगुलिं व मगाःगु वः उकिया छु नं मान्यता मजुइगु नापं वय्कलं दाबी यानादीगु दु । अथेहे सत्ता मोहया कारण पार्टीइ समस्या वयेवं मधेशी जनाधिकार फोरमया यादव व गच्छेदार पक्षया थौं ब्यागल ब्यागलं केन्द्रीय समितिया बैठक च्वंगु दु । यादव पुचःया बैठक विरगंजया होटल सम्झनाय् च्वंगु खःसा गच्छेदार पुचःया बैठक यलया कुपण्डोलय् च्वंगु खः । बैठकं पार्टी दुनेया फुक्क विवाद ज्यंकेगुया लिसलिसे विजय कुमार गच्छेदार पुचःयात कारबाही याःगु निर्णययात अनुमोदन यायेगु खँया नं जानकारी ब्यूगु दु । थौं न्ह्याःगु गच्छेदार पुचःया बैठकय् धाःसा स्वीन्याम्ह दुजःत मध्ये िझंच्याम्हसिया ब्वति दुगु गच्छेदार पुचःया नेता जितेन्द्र देबं दाबी यानादीगु दु । यादव पक्षं गच्छेदारलिसे शरतिसंह भण्डारी रामजनम चौधरी जितेन्द्र नारायण देब उपेन्द्र झा रामेश्वर राय यादव व रत्नेश्वर गोईतयात पार्टिपाखें लिकायेगु निर्णय याःगु खःसा गच्छेदार भण्डारी व चौधरीयात संविधानसभाया सभासद पदपाखें चीकेत सभामुखयात पौ नापं छ्वयेधुंकूगु दु । थुखे गच्छेदार पुचलं नं संविधानसभाया नायः सुवासचन्द्र नेम्वाङयात नापलानाः बर्तमान सरकारयात समर्थन कायम दुगु जानकारी ब्यूगु दुसा निर्वाचन आयोगय् थ्यंकाः थःगु पक्षय् बहुमत दुजःत दुगु दाबी न्ह्यब्वःगु दु ।