घाटाय् वनाच्वंगु भिबोरया शेयर निष्काशन
येँ (सन्ध्या टाइम्स) / घाटाय् वनाच्वंसां भिबोर विकास बैंकं थनिंनिसें साधारण शेयर निष्काशन याःगु दु । बैंकं २६ करोड ५२ लाख तकाया शेयर निष्काशन याःगु दुसा 'ख' वर्गया बैंकं निष्काशन याःगु मध्ये थ्व दकलय् अप्वः खः ।
बैंकं जारी याःगु शेयर मध्ये ३९ प्रतिशत शेयर सर्वसाधारणया निंतिं मीत्यंगु दु । बैंक सुत्रं आः द्यापं फयेमाःसां मेगु दँ निसें नाफाय् वनीगु दावी यासे थुगु बैंकया शेयरं सुं नं द्याये म्वाःलीगु नं धाःगु दु ।
भिबोरं वंगु पुसया अन्तिम तकया दुने १ करोड ३९ लाख द्यापं फयेमाःगु दुसा थुगु द्यापंयात चालु आर्थिक दँया अन्त तकया दुने ४८ लाखया थ्यंकेगु ग्वसाः दुगु खँ धाःगु दु ।
