राष्ट्र बैंकं प्रक्रिया पूरा मयासे कारवाही याःगु द्वपं
येँ (सन्ध्या टाइम्स) / नेपाल विकास बैंकया व्यवस्थापनय् राष्ट्र बैंकं याःगु हस्तक्षेपयात कयाः प्रक्रिया पूरा मयासे छक्वलं बैंक खारेज यायेगु लँपुइ वंगु द्वपं विकास बैंकया अध्यक्षं बियादीगु दु । वय्कःया राष्ट्र बैंकं सुथय् कारवाहीया पौ छ्वया हःगु खःसा सनिलय् झिंन्यान्हुया दुने स्पष्टिकरण पेश यायेगु मेगु पौ छ्वयाहःगु खः ।
दकलय् अजूचायापुगु खँ स्यायेगु निर्णय यानाः न्हापां गोलीं कयेकी सीधुंकाः मस्यायेमाःगु छुं कारण दुसा स्पष्ट याः धकाः राष्ट्र बैंकं न्यंगु धासें कारवाही प्रति व्यंग्य यानादिल ।
थःगु बैंकया प्राथमिक पूँजी ४१ दशमलव ३६ प्रतिशत व पूँजीकोष ३० दशमलव ५३ प्रतिशतं ऋणात्मक दुगु तथ्यया जानकारी बियादिसें कृषि विकास बैंक राष्ट्रिय वाणिज्य बैंक नेपाल बैंक नेपाल क्रेडिट एण्ड कमर्श बैंकया नं थ्व हे स्थिति दुगु खःसा उगु बैंकयात छाय् कारवाही मयाःगु धइगु नं वय्कलं न्ह्यसः तयादिल ।
