रसुवाय् असफल जेल ब्रेक

येँ (सन्ध्या टाइम्स) / रसुवाया जिल्ला कारागारं बिसिउँ वंम्ह छम्ह कैदी प्रहरीया गोलीं कयाः सीगु दुसा मेम्ह छम्ह घाःपाः जूगु दु । म्हिगः बहनी जेलया क्वथाया भेन्टिलेसन तछ्यानाः बिसिउँ वनेत स्वःपिं गणेश लामा सुवास लामा व अमर गुरुङ मध्यय् प्रहरीं कयेकूगु गोलीं कयाः गणेश लामा सीगु दुसा सुवास लामा घाःपाः जूगु दु । अमर लामा धाःसा बिसिउँ वनेत ताःलाःगु दु । मदुम्ह लामा खुला न्ह्यः जक खुँ मुद्दाय् लानाः जेलय् वःम्ह खः । बिसिउँ वंम्ह गुरुङयात मालेत रसुवा लागाय् सुरक्षा व्यवस्था कडा याःगु दु ।