नेपालभाषा मंका: खल:, बागलुङया न्हू ज्यासनापुच:
नेपालभाषा मंका: खल: बाग्लुङ्गया न्हू ज्यासनापुच: ल्य:गु दु।
म्हिग: बागलुङय् जूगु मंका: खल:या गुक:गु साधारण सभा व न्याक:गु त:मुँज्यां श्रेष्ठयात बागलुङ्ग मंका: खल:या नाय: ल्य:गु ख:। झिंस्वम्ह दुज:या ज्यासनापुचलय् निरज शाक्य व काजी रोशन राजभण्डारी न्हापांम्ह व ल्यू न्वकु ल्य:गु दु। मुकेश चन्द्र राजभण्डारी छ्यांजे व सुदीप राजभण्डारी ल्यूछ्यांजे जुयादीगु दु सा रतन मलेपतीयात दांभरिं ल्य:गु मंका: खल: बागलुङया निवर्तमान नाय: महेशचन्द्र प्रधानं जानकारी बियादिल। अगम पालिखे ल्यू दांभरिं च्वनादीगु न्हू ज्यासनापुचलय् दुज: कथं केशवप्रसाद ओझान्थाछे, आनन्द बिकास श्रेष्ठ, नारायणदेवी राजभण्डारी, गजदेवी श्रेष्ठ, सुजन श्रेष्ठ व सुमन जंग राजभण्डारीयात ल्य:गु प्रधानं कनादिल।
न्हू ज्यासनापुच:या कार्यकाल निदँया जुइ। नेपालभाषा मंका: खल: बागलुङ्गया संस्थापक कजी लिसें प्राज्ञ प्रेम श्रोतां मंका: खल:या स्मारिका 'मंका: इनाप'या पितब्वज्या नं यानादीगु वयकलं कनादिल। स्मारिकाय् बागलुङ्गय् च्वंपिं नेवा:तयगु लगत लिसें बागलुङ्गया नेवा:भायया खँग्व: सहित थीथी लेख दुथ्या:गु कनादिल। ज्याझ्वलय् मूपाहांकथं नेवा: देय् दबूया नाय: नरेश ताम्राकार झायादीगु ख:।
