थौं लिम्बुवान बन्द देय्न्यंकं सीडीओ धर्ना
येँ (सन्ध्या टाइम्स) / राष्ट्रपतिया पलाः भिंकेमाःगु माग यासें थौं माओवादी समर्थित लिम्बुवान राष्ट्रिय मुक्ति मोर्चां लिम्बुवान क्षेत्र बन्द याना बिउगु दु । बन्दया कारणं पूर्वान्चलया पहाडी लागा पूर्ण रुपं प्रभावित जुयाच्वंगु दुसा मोरङ्ग व सुनसरीइ धाःसा म्हो जक लिच्वः लानाच्वंगु दु ।
बन्दया कारणं पूर्वान्चलया गुंगू जिल्ला प्रभावित जुयाच्वंगु दु । बन्दया झ्वलय् लिम्बुवानया कार्यकर्तातय्सं अन पसः यातायात ठप्प यानाच्वंगुलिं पूर्वान्चल लागा जुयाः पिहां वनेमाःगु यातायात नं अवरुद्ध जुयाच्वंगु दु ।
थ्वहे झ्वलय् राष्ट्रपतिया पलाः भिंकेमाःगु माग यासें थौं अखिल नेपाल महिला संघ क्रान्तिकारी व बेपत्ता परिवार समाजपाखें देय्न्यंकंया ७५ गू जिल्लाया सीडीओ ज्याकुथी धर्ना बिउगु दु । धर्ना ज्याझ्वः सुथय् १० बजेनिसें २ बजे तक जुयाच्वंगु दु । धर्ना ज्याझ्वःया कारणं सीडीओ कार्यालयया ज्या प्रभावित जुयाच्वंगु दु ।
