माग सम्बोधन यासाः संसद सुचारु जुइगु
एकीकृत नेकपा (माओवादीं) थःगु मागयात एमाले नेतृत्वया सरकारं सम्बोधन यासाः संसद सुचारु यायेबीगु निर्णय याःगु दु ।
माओवादी सचिवालयया बुधवाः सुथय् च्वंगु बैठकं एमालें राष्ट्रपतिया पलाः भिंकेमाःगु, माओवादी नेतृत्वया सरकारं याःगु निर्णयत कार्यान्वयन यायेमाःगु, नागरिक सर्वोच्चता सम्बन्धि सकारात्मक धारणा सहित सम्बोधन यायेगु आश्वासन ब्यूसाः जक संसद सुचारु यायेबीगु खँ माओवादी प्रवक्ता दिनानाथ शर्मा जानकारी बियादिल ।
बैठकय् माओवादी अध्यक्ष पुष्पकमल दाहाल 'प्रचण्डं' एमाले नेतात नाप मंगलवाः जूगु खँल्हाबंला बारे जानकारी बियादिल । माओवादी सरकारं याःगु प्रधानसेनापति कारवाहीया बारे गम्भिर जुइत एमालेयात इनाप याःगु खः । माओवादीया बैठकं सतक व सदन आन्दोलनयात सम्बोधन यासाः संसद सुचार याकीगु निर्णय याःगु खः ।
सचिवालय बैठकय् बिहिवाः च्वनीगु पोलिटब्युरो बैठकया बारे नं सहलह जुइगु धासां छुं नं निर्णय जुइमफुत ।
