शान्ति मन्त्रालय दुने अशान्ति !
शान्ति तथा पुनर्निर्माण मन्त्रालय अन्तर्गत द्वन्द्वपीडित राहत तथा पुनःस्थापन एकाइया कर्मचारीतदथुइ छगू उच्छृङ्खल युवा समूहं हातपातया कुतः यायेवं ज्या यायेत वातावरण मदुगु धासें कर्मचारीतय्सं ज्या बन्द याःगु दु । माओवादी जनयुद्धकालय् विद्रोही व राज्यपक्षापखें पीडिततय्त राहत व वासः यायेगु नितिं सिफारिस यानाः वयाच्वंगु उगु ज्याकुथिं छुं न्ह्यः वासः यायेगु सिफारिस बन्द यानागु धासें उच्छृङ्खल ल्याय्म्हतय्सं कर्मचारीतय्त ल्हातय्त कुतः याःगु खः । उगु पुचलं ज्याकुथिया दर्ता किताब नापं खुनाब्यूगु दु ।
ज्या यायेगु वातावरण मदुगु धासें कर्मचारीतय्सं राहत तथा पुनःस्थापन एकाईया ज्याकु बन्द याःगु दु । बजेट अभाव जूगु धासें शान्ति तथा पुनर्निर्माण मन्त्रालयं तत्कालया नितिं सिफारिस मयायेत राहत व पुनःस्थापन एकाइयात उजं बिइवं उगु ज्याकुथिं आःयात सिफारिस बन्द याःगु दु ।
