किराती मोर्चापाखें किरात बन्द, जिल्ला प्रशासनय् झडप, दर्जनौ घाःपाः

राष्ट्रपतिया असंबैधानिक पलाः भिंकेमाःगु व स्वायत्त किराँत राज्यया घोषणा यायेमाःगु माग यासें किराँती राष्ट्रिय मुक्ति मोर्चां याःगु वन्दया कारण थौं पुर्वया थीथी खुगू जिल्लाया जनजीवन प्रभावित जूगु दु । माओवादी सम्वद्ध मोर्चाया इनापय् जूगु बन्दया भुवलय् थौं उदयपुर सदरमुकाम गाईघाट खोटाङया दिक्तेल भोजपुर सोलुखुम्वु ओखलढुगा व संखुवासभाया थीथी सरकारी ज्याकूत नं बन्द जूगु दु । बन्दया हे भुवलय् जिल्ला प्रशासन ज्याकु उदयुपरय् जूगु ल्वापुइ प्रहरीं याःगु हस्तक्षेपया कारण विमल किराँती उत्तर मान श्रेष्ठ मिनप्रसाद पोखरेल तेज बहादुर कार्की देवलाल चौधरी व रिता मगर लगायत दर्जनौ कार्यकर्ता घाःपाः जूगु मोर्चां जानकारी ब्यूगु दु ।