छगू मधेश छगू प्रदेश असम्भव : मन्त्री चौधरी
विना विभागीयमन्त्री उमाकान्त चौधरीं छगू मधेश छगू प्रदेश असम्भव जूगु धयादीगु दु । थौं पोखराय् याःगु छगू ज्याभुवलय् न्वंवानादिसें मधेशय् थीथी जाति भाषा समुदायया जनता दुगु तर्क यासें छगू मधेश छगू प्रदेश असम्भव जूगु दाबी यानादीगु दु ।
नेपाली कांगे्रसपाखें मन्त्रीया कोटाय् लाःम्ह चौधरीं फुक्क जाति भाषा क्षेत्र समुदायया जनताया संस्कृतिया लिसलिसे भौगोलिक विशेषतायात मध्यनजरय् तयाः राज्य पुनस्रंरचना यायेमाःगु बिचाः प्वंकादीगु दु । देशया भौगोलिक अखण्डता व एकतायात प्राथमिकताय् तयाः न्ह्यःने न्ह्यायेमाःगु खँय् वय्कलं बह बियादीगु दु । माओवादीप्रति कडा रुपं न्ह्ज्याम्ह चौधरीं हत्या िहंसा तत्काल बन्द मयाःसा कडा रुपं न्ह्यज्यायेगु ख्याच्वः बियादीगु दु । िहंसाया राजनीतिक स्वीकार्य मजुइगु धासें वय्कलं उकियाविरुद्ध शान्तिकामीत छधी जुइमाःगु धयादीगु दु ।
