मन्त्रालय भागबण्डाय् दलत व्यस्त
अर्थमन्त्रालय व जलस्रोत मन्त्रालयया सम्बन्धय् काँग्रेस व एमालेदथुइ किचकिच जुइवं मन्त्रालयया भागबन्डा मिलय् यानाः सरकारयात पूर्णता बिइगु बिषयसं थौं च्वंगु उगु निगू पार्टीया बैठक निष्कर्षविहिन जूगु दु । प्रधानमन्त्री निवास बालुवाटारय् उगु निगू दलया शीर्ष नेतातदथुइ जूगु सहलहसं एमालेपाखें नेता केपी शर्मा ओली व अशोक राईया ब्वति दुगु खःसा काँग्रेसयापाखें विमलेन्द्र नीधि व कृष्ण सिटौंलां ब्वति कयादीगु खः । अथेहे नेकपा एमाले व तराई मधेश लोकतान्त्रिक पार्टीया नेतातदथुइ नं थौं मन्त्रालयया बाँडफाँडबारे सहलह जूगु दु । तमलोपां स्थानीय विकास व स्वाथ्य मन्त्रालयसं दाबी याःगु दु । आकर्षक मन्त्रालय ल्हातय् लाकेत दलतय्सं आः तँछाडमछाड यानाच्वंबलय् प्रधानमन्त्रीं कार्यभार कःघाःगु निवाः दयेधुंकाः नं सरकारं पूर्णता कायेफुगु मदुनि । मन्त्रालय भागबण्डाय् दलतदथुइ सहमती जुइमफयाः गठबन्धन सरकारय् वंिपं खुम्ह मन्त्रीत विना विभागीय मन्त्रीयारुपय् च्वनेत बाध्य जूगु दु ।
