वरिष्ठ वामपन्थी नेता श्रेष्ठ मन्त
वरिष्ठ वामपन्थी नेता दिलबहादुर श्रेष्ठ सोमवाः सुथय् ७८दँया बैशय् मन्त । ताः ई निसें स्वँया क्यान्स जुयाच्वम्ह श्रेष्ठ नर्भिक अस्पतालय् वासः याकाच्वंगु इलय् मदुगु खः ।
वय्कः एकीकृत नेकपा (माओवादी)या राष्ट्रिय महाधिवेशन आयोजक समितिया दुजः नापं पुलाम्ह पोलिटब्यूरो दुजः खः । नापं श्रेष्ठ नेवाः स्वायत्त राज्य मंकाः संघर्ष समितिया न्हापाम्ह नायः नं खः ।
वय्कःया सोमवाः न्हिनय् अन्तिम श्रद्भाञ्जलीया निंतिं माओवादी ज्याकू पेरिस डाँडाय् तयातःगु खः सा वय्कःया सोमवाः हे अन्तिम संस्कार जूगु दु ।
किपा : सुजीव बज्राचार्य
