चांगुनारायणय् बुद्धया मूर्ति पलिस्था

सुगतरत्न सिन्दुराकार

चांगुनारायणय् वंगु शनिवाः गौतम बुद्धया मूर्ति पलिस्था याःगु दु । ज्ञानमाला भजन खलः स्वय्म्भूया जःपिं मुनाः सद्भावना ज्ञानमाला भजन चांगुनारायणय् उगु मूर्ति पलिस्था याःगु खः । अनया सिन्दुर ख्वाः पुखुया प्रांगनय् पलिस्था याःगु शान्तिया नायक गौतम बुद्धया मूर्ति संघनायक भिक्षु अश्वघोष महास्थवीर, खलःया नायो पुण्य शाक्य व चांगुनारायण देय्या थकाली धिर्जवीर श्रेष्ठपिन्सं मंकाः कथं उलेज्या यानादीगु खः ।