माओवादीया विभाजन नाटक जक : कोइराला
नेपाली कांग्रेसया नेता शेखर कोइरालां माओवादीया विभाजन नाटक जक जूगु धयादीगु दु ।
धनकुटाय् आइतवाः संचारकःमितलिसे नापलायेगु झ्वलय् नेता कोइरालां उगु खँ धयादिसें माओवादीया स्वम्ह नेतात पुष्प कमल दाहाल प्रचण्ड, डा. बाबुराम भट्टराई व मोहन वैद्य अलग अलग जूसां नं चरित्र छगू हे जूगु धयादिल ।
स्वम्हं नेतात सर्वसत्तावाद व तानाशाहया पक्षय् दुगु द्वपं बियादिसें नेता कोइरालां उकिया लागि स्वम्हं छथाय् हे च्वनीगु नं न्ह्यथनादिल ।
कांग्रेस, एमालेलिसेंया मेमेगु दलयात प्रधानमन्त्रीं लोभ क्यनाः एकीकृत नेकपा माओवादीं जोकर दयेकेत जक स्वयाच्वंगु नं धयादीगु दु । आन्दोलनपाखें हे वर्तमान सरकारयात विस्थापित यायेगु नेता कोइरालाया धापू खः ।
