संविधानसभा वैठक
अल्पसंख्यक व सीमान्तकृत समुदायया हक अधिकार संरक्षण समिितं न्ह्यब्वःगु अवधारणा व प्रारम्भिक मस्यौदाय् थौं स्वन्हुया िदं नं संबिधानसभाय् सहलह न्ह्याःगु दु । सहलहसं ब्वति कयादिसें सभासद्तय्सं अल्पसंख्यक लोपोन्मुख व सीमान्तकृत समुदायया हक अधिकारबारे न्हूगु दयेकीगु संविधानय् बांलाक्क व्यवस्था जुइमाःगु खँय् बह ब्यूगु दु । एकीकृत नेकपा माओवादीया सभासद् देवप्रसाद गुरुङ्गं लोपोन्मुख सीमान्तकृत अल्पसंख्यक लगायतया शब्द संबिधानय् न्ह्यथने मज्यूगु धयादीगु दु । थीथी समुदायबारे आयोग दयेकाः छानविन यायेगु स्वयां उमिगु पहिचान यानाः उत्थानया निितं राज्यया हरेक क्षेत्रय् थप ह्वःताःया ब्यवस्था यायेमाःगु वय्कःया धापू खः । गुरुङ्गं बंशजया आधारय् नागरिकता उपलब्ध यायेगु ब्यवस्था यायेत समेत सुझाव बियादीगु दु । नेपाली कुग्रेसया सुप्रभा घिमिरें फुक्क भाषाभाषी जातजाति बर्ग सम्प्रदाय लगायतया नागरिकया हकअधिकारया सम्मान जूसा राष्ट्र निर्माण व जातजातिया अस्तित्व रक्षा जुइगु धयादीगु दु । कार्यान्वयन यायेफइगु व मफइगु अधिकार तथा ब्यवस्थाया पहिचान यानाः संबिधानय् न्ह्यथनेमाःगु घिमिरेया धापू खः । एमालेया शान्तिमाया तामाङ्गं राष्ट्रिय तथा राष्ट्र भाषाया सम्बन्धय् अवधारणाय् न्ह्यथनातःगु बिषयसं पूनर्विचार जुइमाःगु न्ह्यथनादीगु दु । बिहिवाःतक न्ह्याइगु सहलहसं थौं थीथी स्वीच्याम्ह सभासद्ं ब्वति काइगु नं जानकारी बियादीगु खः ।
