झिंनिगू बुँदे समझदारीया आधार रोल्पा : प्रचण्ड

एकीकृत नेकपा माओवादीया नायः पुष्पकमल दाहाल प्रचण्डं झिंनिगू बुँदे समझदारीया आधार दिल्लीइ मजूसे रोल्पाय् जूगु स्पष्ट यानादीगु दु । झिंनिगू बुँदे समझदारी भारतया निगरानीइ दिल्लीइ जूगु खँ पिहाँवयाच्वंगु इलय् थौं वय्कलं उगु सहमति थःपिनिगु हे कुतलय् रोल्पाय् जूगु धयादीगु दु । थौं येँय् नेकपा मालेपाखें विद्रोह याःगु नेकपा माले क्रान्तीकारी व एकिकृत नेकपा माओवादीदथुइ एकता घोषणा ज्याभुवलय् न्वंवानादिसें यासें वय्कलं काँग्रेस सभापति गिरिजाप्रसाद कोइराला रोल्पा वनेमफया दिल्लीइ ल्हाःिचं तयेगु ज्या जूगु खः । अथेहे वय्कलं सरकारपाखें चिलाः वयेवं बल्ल थःत जनताया धात्थें प्रधानमन्त्री जूगु अनुभूति जूगु खँ धयादीगु दु । नेपाली जनता व माओवादी पार्टी निर्णायक विजयपाखें न्ह्यानाच्वंगु धयादिसें वय्कलं सरकारय् दुबले थःत प्यख्यरं घेराबन्दीया कारण वास्तविक प्रधानमन्त्रीया अनुभूति मजूगु धयादीगु दु । वय्कलं थौं जूगु एकता मेमेगु एकता स्वयां विशिष्ट जूगु धयादिसें फुक्क देशभक्त क्रान्तिकारीत गोलबद्ध जूगुया विकल्प मदुगु धयादीगु दु । एकीकृत नेकपा माओवादी सरकार त्वःताः आन्दोलन व संघर्षय् वंगु इलय् जूगु थ्व एकता न्हापाया मेगु एकता स्वयां विशिष्ट जूगु वय्कःया धापू दु ।

थ्व इलय् सरकार गठनया प्रकि्रया विश्वय् हे मदुगु जात्रा जूगु धयादिसें वय्कलं प्रतिकि्रयावादीतय्सं छु नं हालतय् मत्याइगु धयादीगु दु । अथेहे ज्याभुवःया नायः जुयादीम्ह एकीकृत नेकपा माओवादीया संगठन विभाग प्रमुख किरणं थ्व एकता संसदय् वनेगु सम्झौताया एकता मजूसे समाजवाद व साम्यवादय् वनीगु एकता जूगु धयादीगु खः । महान् शहीदतय्गु म्हगस साकार यायगु उद्देश्य सहित जूगु थ्व एकतां न्हूगु तुफानया भूमिका म्हितेगु वय्कःया धापू खः । अथेहे माओवादी नेता प्रकाशं उगु हे भुवलय् मुलुकय् छगू हे कम्युनिष्ट केन्द्र स्थापना यायेगु दिशाय् थौं जूगु एकता महत्वपूर्ण जूगु धयादीगु दु । माले क्रान्तिकारीया प्रमुख टेक वहादुर शासंकर नेतृत्वया समुहलय् दुिपं िझंनिम्ह केन्द्रीय दुजःतय्सं थौं माओवादीलिसे पार्टी एकता याःगु खः । उमिसं ने क पा माले घोर प्रतिकि्रयावादी व प्रतिक्रान्तिया दिशापाखें वंगुिलं थःिपंसं उगु पार्टी त्वःताः माले क्रान्तिकारीया गठन यानागु धयादिसें क्रान्ति ताःलाकेत वामपन्थीतदथुइ सुदृढ एकता माःगु महसुस यानाः माओवादीलिसे पार्टी एकता यानागु धयादीगु दु ।