प्रचण्ड प्रम नापलाये ज्या एमाले सकारात्मक
सरकारया नेतृत्व याःगु नेकपा एमाले राष्ट्रपतिया असंवैधानिक पलाः िभंकाः माओवादीपाखें संसदय् दर्ता याःगु संकल्प प्रस्तावदथुइ सहलह न्ह्यःने न्ह्याकेत सकारात्मक जूगु दु । थौं यलया गोदावरी रिसोर्टय् एकीकृत नेकपा माओवादीया नायःलिसेया शीर्ष नेतात व प्रधानमन्त्रीलिसे एमालेया शीर्ष नेतातदथुइ जूगु सहलहसं निगू दलदथुइ सहमतिया निितं छगू कार्यदल गठन याःगु दुसा एमालें राष्ट्रपतिया पलाः िभंकेगु संकेत नापं क्यंगु दु । एमाले नेतृत्वय् न्हूगु सरकार गठन जूसां नं दलतदथुइया किचकिच जूगुया कारण सरकारं पूर्णता मकायेवं थौं न्हापांगु खुसिइ च्वंगु माओवादी एमाले संयुक्त बैठकं वर्तमान राजनैतिक गतिरोध व निगू दलीय असमझदारी अन्त्यया निितं कुतः याःगु बैठकलिपा माओवादी नेता नारायणकाजी श्रेष्ठ प्रकाशं जानकारी बियादीगु दु । वय्कलं राष्ट्रपतिया पलाःया विषयसं सदनय् सहलह यायेत एमाले तयार जूसा सदन अवरुद्ध मयायेगु स्पस्ट यानादीगु दु । नापं थौंया बैठकय् अवरुद्ध सदन सुचारु यायेत निगू दलदथुइ सहमतिया निितं कार्यदलं मस्यौदा तयार यायेगु सहमति जूगु दु ।
मस्यौदाया निितं माओवादी संविधानसभा दलया प्रमुख सचेतक पोष्टबहादुर बोगटी व एमालेया सचेतक भीम प्रसाद आचार्यया कार्यदल नापं दयेकूगु दु । कार्यदलं सदन सुथांलाक्क न्ह्याकेत माःगु सहलह यानाः सहमतिया ड्राफ्त तयार यायेगु एमाले सचेतक भीम प्रसाद आचार्यं जानकारी बियादीगु दु । वैठकय् माओवादीं नागरिक सर्वोच्चताया निितं न्ह्याकाच्वंगु आन्दोलन अवरुद्ध सदन राष्ट्रपतिया पलाः व सरकार न्ह्याकेगु निितं ग्वाहालि लगायतया विषयसं सहलह जूगु खः । बैठकय् प्रधानमन्त्री माधवकुमार नेपालं शान्ति प्रकि्रयायात क्वःछुइत व इलय् हे न्हूगु संविधान निर्माण यायेत सरकारय् ब्वति कायेत माओवादीयात इनाप यानादीगु खः । लिसलय् एकीकृत नेकपा माओबादीया नायः प्रचण्डं राष्ट्रपतिया असंवैधानिक पलाः मिभंकूतले व सदनय् संकल्प प्रस्तावयाबारे सहलहया वातावरण मिलय् मजूतले सरकारयात ग्वाहालि यायेमफइगु खँ न्ह्यथनादीगु दु । नापलाये ज्याय् माओवादी बरिष्ठ नेतात मोहन वैद्य किरण डा बाबुराम भट्टराई नारायणकाजी श्रेष्ठ प्रकाश लगायतपिनिगु ब्वति दुगु खःसा एमालेयापाखें प्रधानमन्त्री नेपाललिसे नायः झलनाथ खनाल भीम आचार्य लगाएतया नेतातय्गु ब्वति दुगु खः ।
