नेरापाया दांभरियात मातृशोक
नेपाः राष्ट्रिय पार्टीया दांभरि, नेपाल घरेलु तथा साना उद्योग महासंघया नायः व नेपाल भाषा मंकाः खलः, यलया निवर्तमान नायः भाजु सुरेश प्रधानया मां कमला प्रधान ८२ दँया बैंसय थौं मन्त ।
मंगलवाः बहनि छेँय् हे मि कुनांच्वंगु इलय् मि पुनां घाःपाः जूगु खःसा उघ्रिमय पाटन अस्पतालय् यंकूगु खः । अनं हाकनं टिचिङ्ग अस्पताय् यंकूगु खःसा अनं नं येँया ह्याम्स अस्पतालय् रिफर यानाहःगु खः ।
ह्याम्स अस्पतायया आइ.सि.यू. स तया वासः याकातःम्ह वय्कः थौं सुथय् थ्यंमथ्यं झिताः इलय् मदुगु खः । मदुम्हेसित थौं हे पशुपति आर्यघाटय् अन्तिम संस्कार याःगु दु । मदुम्हेसिया स्वम्ह काय् व छम्ह म्ह्याय् दु ।
