माओवादी याकनं हे विद्रोह याइगु : प्रचण्ड
एकीकृत नेकपा (माओवादी)या अध्यक्ष पुष्पकमल दाहाल 'प्रचण्डं' थःगु नेतृत्वय् माओवादीं याकन हे विद्रोह यायेगु तयारी यानाच्वंगु धयादीगु दु ।
एकीकृत नेकपा (माओवादी) व नेकपा माले (विद्रोही) दथुइ मंगलवाः जूगु पार्टी एकीकरण सभाय् न्ववायेगु झ्वलय् वयेकल माओवादीयात दलतय्सं छखेलाकेत स्वःगु द्वपं बियादिसें थःपिं याकनं हे भिषण विद्रोह यायेगु तयारी यानाच्वनाःगु धयादिल ।
राष्ट्रपतिया नांमय् देशय् निरंकुस व्यवस्था लागू यायेगु कुतः जुयाच्वंगु धासें अध्यक्ष प्रचण्डं बृहत शान्ति सम्झौता व अन्तरिम संविधानयात भ्वँतय् जक सिमित याःगु दु:ख प्वंकादिल । वयेकलं रक्षामन्त्री विद्या भण्डारीं छुं दिं न्ह्यः बियादीगु अभिव्यक्तिया विरोद्ध यानादिसें देय्यात हानं गृहयुद्धय् यंकेगु षड्यन्त्र जूगु धयादिल । माओवादीं नेपालय् जक मखु विश्वन्यंक त्यकीगु धासें माओवादी अध्यक्षं देया ह्यूपाःया निंतिं माओवादी न्ह्याःगु कथंया बलिदान यायेत नं तयार दु धयादिल ।
