सुरेश मानन्धरयात वियोगी विशेष पत्रकारिता सिरपा
तःदँ न्ह्यःनिसें नेपालभाषाया पत्रकारिता क्षेत्रय् सक्रिया जुयाच्वनादीम्ह पत्रकार नापं नेपालभाषाया न्हिपौ सन्ध्या टाइम्सया सम्पादक सुरेश मानन्धरयात थुगु दँया गाविन्द वियोगी विशेष पत्रकारिता सिरपा बिउगु दु । सम्पादक समाज नेपालं मंगलवाः येँय् ग्वसाःग्वःगु छगू ज्याझ्वःया दथुइ सूचना व संचार मन्त्री राजकिशोर यादवं मानन्धरयात सम्मानपौ नापं निन्याद्वः व छतका लःल्हानादीगु खः ।
अथेहे उगु हे ज्याझ्वलय् कान्तिपुर टेलिभिजनया समाचार सम्पादक तीर्थ कोइरालायात गोविन्द वियोगी पत्रकारिता सिरपा लःल्हाःगु खः । कोइरालायात सम्मानापौ नापं नीन्याद्वः व छतका नं संचार मन्त्री यादवं लःल्हानादीगु खः ।
