च्वले जःवंम्ह मिसायात बलात्कार
च्वले जःवनाच्वंगु इलय् छम्ह सिरहाया मिसा बलात्कृत जूगु दु ।
वडा प्रहरी ज्याकू लहानया कथं सोमवाः न्हिनय् छेँ नं च्वले जःवंम्ह मिसायात गामय् च्वंपिं निम्ह मिजंतय्सं बलात्कार याःगु खः । प्रहरी निरीक्षक ढकेन्द्र खतिवडां बलात्कारीत बिसिउँ वनाच्वंगुलिं इलाका प्रहरी ज्याकूयात तकं परिचालन यानाः मालेगु ज्या जुयाच्वंगु जानकारी बियादीगु दु ।
अभिभावकया जाहेरी दर्ता लिपा सोमवाः बहनी १० ताः इलय् बलात्कृत मिसायात वडा प्रहरी ज्याकू लहानय् हयाः मंगलवाः सुथय् राजविराजय् च्वंगु सगरमाथा अंचल अस्पतालय् स्वास्थ्य परीक्षण याकूगु प्रहरी निरीक्षक खतिवडां जानकारी बियादीगु दु ।
