बालयौन दुराचारी फ्रिन्टयात सार्वजनिक अपराधया मुद्दा
बालयौन दुराचारया द्वपनय् ज्वंम्ह जर्मन नागरिक मेन फ्रिन्टयात प्रहरीं सार्वजनिक अपराध ऐन अन्तरगत मुद्दा न्ह्याकूगु दु ।
जिल्ला प्रहरी ज्याकू चितवनया प्रहरी प्रमुख दीपक थापां कानून कथं फ्रिन्टयात कारवाही जुइगु धयादीगु दु ।
सौराहा व उगु जःखः लागाया मस्तय् थी थी प्रलोभन क्यनाः यौन दुराचार याःगु द्वपनय् प्रहरीं पुष १४ गते सौराहाया छगू होटलपाखें रंगेहात ज्वंगु खःसा वय्कःलिसे दुम्ह छम्ह मचायात तकं उद्दार याःगु खः ।
प्रहरीं निन्हुतक अनुसन्धान यानाः प्रमाणया आधारय् मुद्दा न्ह्याकूगुलिं कानूनी आधारय् कडा कारवाही जुइगु प्रहरीं न्ह्यथंगु दु ।
उम्ह जर्मन नागरिकं तःक्वःमछि हे बालयौन दुराचार याःसां नं प्रहरीं सामान्य कथं जक मुद्दा न्ह्याकूगु धासें स्थानीयतय्सं कडा कारवाहीया माग याःगु दु ।
