'छु आधारय् झायात अध्यक्षय् नियुक्त यानागु?': सर्वोच्च
सर्वोच्च अदालतं दूरसंचार प्राधिकरणया अध्यक्षय् दिगम्बर झायात नियुक्त यायेगु निर्णय कार्यान्वयन मयायेत अन्तरिम आदेश बिउगु दु । सर्वोच्चं झाया नियुक्ति छु योग्यता व अनुभवया आधारय् याःगु धइगु प्रष्ट मजूगु धासें नियुक्तिया निर्णय कार्यान्वयन मयायेत आदेश बिउगु दु ।
सर्वोच्चया न्यायाधिश कल्याण श्रेष्ठ व सुशीला कार्कीया मंका इजलासं सोमवाः थज्याःगु निर्णय पाखें दुरगामी लिच्वः लाइगु धासें मुद्दा किनारा मजुइकं निर्णय कार्यान्वयन मयायेत धाःगु दु ।
सरकारं झायात नियुक्त यायेगु निर्णय विरुद्ध नेपाल टेलिकमया पुलाम्ह प्रवन्ध निर्देशक विश्वनाथ गोयल व जगन्नाथ मिश्रं सर्वोच्चय् रिट दायर याःगु खः ।
