एमाले व कांग्रेसया बैठक निष्कर्ष बिहीन
मन्त्रालय भागबन्डा मिलेमजुया सरकारं पूर्णता काये मफयाच्वंगु ईलय् मान्त्रालय भागबन्डा बारे एमाले व कांग्रेस नेतात दथुइ थौं जूगु खँल्हाबंला नं निष्कर्ष बिहीन जूगु दु
प्रधानमन्त्री निवास बालुवाटारय् जूगु खँल्हाबंलाय् सरकारयात याकनं पूर्णता बीगु व गठबन्धन दलत दथुइ खनेदुगु विवाद बारे खँल्हाबंला जूगु खः । कांग्रेसं अर्थ व जलस्रोत मन्त्रालय् थःगु पार्टीयात बीमाःगु माग तःसां एमालें थुकी असहमति प्वंकूगु खः । एमालें जलस्रोत मन्त्रालय् कांग्रेसयात बीगु खँय् छुं लचकता क्यंसां अर्थ धासाः थःगु हे पार्टींया मर्फत तयेगु धायेवं बैठक बिना निष्कर्ष क्वचाःगु खः ।
बैठकय् कांग्रेस नेतात विमलेन्द्र निधि व कृष्ण सिटौलां ब्वति काःगु खसाः एमालेया पाखें महासचिव इश्वर पोखरेल, नेता केपी ओली लगयात नेतातय् उपस्थिति दुगु खः ।
एमाले नेता व प्रधानमन्त्री माधवकुमार नेपाल व एमाले अध्यक्ष झलनाथ खनाल माओवादी नाप खँल्हाबंला याना लिहांवयेधुंकाः थौं हे हाकनं एमाले व कांग्रेस दथुइ सहलह यायेगु सहमति जूगु दु ।
