कांग्रेस नेता बाँस्टोलायात हृदयाघात
नेपाली कांग्रेसया नेता चक्र प्रसाद बाँस्टोलायात हृदयघात जूगु दु । नेता बाँस्टोलयात झापाया विर्तामोडय् च्वंगु थःगु छेँय् न्हिनसिया १२ ताः इलय् हृदयघात जूगु खः । हृदयघात जुइवं बाँस्टोलायात धरानया विपि स्वास्थ्य विज्ञान प्रतिष्ठानय् भर्ना याःगु खः । लिपा थप वासः यायेगु लागि भारत यंकेत सल्लाह बिइवं सिलगुढी यंकूगु पारिवारिक श्रोतं न्ह्यथंगु दु ।
नेपाली कांग्रेसया नेता बाँस्टोला पुलांम्ह परराष्ट्र मन्त्री खःसा भारतया लागि नेपाःया राजदूत तकं जुयादीधुंकूगु दु ।
