नेपाल टेलिभिजनया अध्यक्षय् अग्रवाल
सरकारं गाँउ विकास समितिया ज्यायात प्रभावकारी दयेकेत गाविस सचिवयात १५ सः तका भत्ता बीगु क्वःछिउगु दु ।
मन्त्रीपरिषदया विहिवाः च्वंगु मुँज्यां क्वःछिनातःगु लागाय् वनाः ज्यायाइम्ह गाविस सचिवयात थप झिंन्यासः तका भत्ता बीगु क्वःछिउगु खः ।
अथेहे मुँज्यां प्रधानसेनापति गौरव शम्सेर राणाया भारत भ्रमणयात नं स्वीकृत याःगु दु । नापं मुँज्यां नेपाल टेलिभिजनया अध्यक्षय् सीताराम अग्रवालयात प्यदँया लागि नियुक्ति यायेगु क्वःछिउगु दु ।
थुकथं हे मुँज्यां छुं दिं न्ह्यः साउदीपाखें स्वदेय् लिहांवःबलय् त्रिभुवन अन्तराष्ट्रिय विमानस्थलया अध्यागमनय् लुटे जूम्ह मिसायात नयेत व वसःया लागि छगू लख न्यय्द्वः तका बीगु नं क्वःछिउगु दु ।
