संविधानसभा पुनःस्थापनाया लकस दयेकेमाःगु
सत्ताधारी मोर्चा संघीय लोकतान्त्रिक गणतान्त्रिक गठबन्धन संविधानसभा पुनःस्थापनाया विकल्पया बारे केन्द्रीत जूगु दु ।
डा. बाबुराम भट्टराई नेतृत्वया सरकारय् विपक्षी नेपाली कांग्रेस व नेकपा एमाले वयेत माने मजुइधुंकाः सत्ताधारी मोर्चां संविधानसभा पुनःस्थापनाया माहौल दयेकेत्यंगु खः ।
गठबन्धनया विहिवाः च्वंगु मुँज्याय् नं अप्वःसिनं संविधानसभा पुनःस्थापनाया लकस दयेकेमाःगुलिइ बः बिउगु खः ।
एकीकृत नेकपा माओवादीया नायः नापं गठबन्धनया संयोजक पुष्पकमल दाहाल प्रचण्ड, न्वकू नारायणकाजी श्रेष्ठ, अमिक शेरचनलिसें गठबन्धनया अप्वः धइथें दलत पुनःस्थापनाया लकस दयेकेत न्ह्यायेमाःगु पक्षय् खनेदुगु खः ।
