सहकार्य आवश्यक : सुजाता

परराष्ट्रमन्त्री सुजाता कोइरालां सहमति, सहकार्य व एकताया साथ न्ह्याः वनेमाःगु खँ धयादीगु दु ।

रिपोर्टर्स क्लब कास्की शाखां मन्त्री कोइरालाया सम्मानय् याःगु ज्याझ्वलय् न्ववनादिसें वयेकलं शान्ति प्रकृयायात तार्किक निष्कर्षय् थ्यंकीगु व संविधान निर्माण यायेगु ज्या सरकारया प्रमुख दायित्व जूगुलिं थ्व अभिभारा पूवंकेत कांग्रेसं थःगु नेतृत्वय् सरकारय् ब्वति काःगु धयादिल ।

अथेहे मन्त्री कोइरालां सरकारया ज्याय् ग्वहालि यायेत व शान्ति प्रकृया व संविधान निर्माण यायेगु ज्या ग्वहालि यायेत पत्रकारतय्त इनाप यानादिल ।