नेपाल हिन्दु राष्ट्र जुइमा : भाजपा पुलाम्ह नायः सिंह

भारतीय जनता पार्टीया पुलाम्ह नायः राजनाथ सिंहं नेपाल हिन्दू राज्य जुइमाःगु खँ धाःगु दु । सिंहं ८२ प्रतिशत जनता हिन्दु धर्मय् आस्था तइगु नेपाल हिन्दूत्वयात न्ह्याके मफुत धाःसा थःह नं न्ह्या वने फइमखु खँ धासें हिन्दू धर्मं जक धार्मिक स्वतन्त्रता बिइगु दावी याःगु दु । अथेहे नेपालय् राजसंस्था लित वइ वा मवइ खँ धाःसा गौण खः तर हिन्दु राष्ट्र धाःसा जुइमाःगु खँ कनादिल । नेपालयात हिन्दु राष्ट्र यायेत सिंहं पाखें नं कुत यानाच्वनागु खँ कनादिल ।
सिंहं नेपाल लोकतन्त्र पाखें उन्मुख जुयाच्वंगु इलय् हानं सक्रिय राजसंस्था लित वयेफइमखुगु तर दलतय्सं चाहे जुसाः सेरेमोनियल जुजु धाःसा लित वयेफइगु खँ कनादिल ।