चीन न्ह्याकल हलिमय् तिब्र गति ब्वाये वनेगु रेल

चीनं हलिमय् दक्लय् ताहाः रेलमार्गय् तिब्र गति ब्वाये वनेगु रेल यातायात बुधवाः निसें न्ह्याकुगु दु । थ्व रेलमार्गं चीनया राजधानीं बेइजिङयात दक्षिणी लागाः ग्वान्झाओनापं स्वाःगु दु । करिब २ हजार २ सय ९८ किलोमिटरया थ्व रेलमार्ग सेवा चीनया पुलाम्ह नेता माओत्सेतुङया बुँदि २६ डिसेम्बरया झ्वलय् बुधवाः निसें न्ह्याकेगु ज्या याःगु खः । उगु रेल प्रतिघण्टा ३०० किलोमिटरया रफ्तारय् ब्वाये वनेगु दावी याःगु दु । ३५ स्टेशन दुगु थ्व रेलसेवां बुखान व चांगशायात नं स्वाःगु दु । न्हापाः थ्व रेलमार्गय् २२ घण्टा ई कायेगु खःसा आ वया १० घण्टा नं काइमखुगु खँ धाःगु दु ।