मंकाः संघर्ष समितिपाखें थप संघर्षया ज्याझ्वः घोषणा
नेवाः स्वायत्त राज्य स्थापनाया माग व शहरी विकास विधेयकया खारेजीया माग याःगु नेवाः स्वायत्त मंकाः संघर्ष समितिं जेठ १८ गतेया नेपाल मण्डल बन्द लिपा नं ठोस निर्णय मयाःगु धासें संघर्षया ज्याझ्वः घोषणा याःगु दु ।
सोमबाः च्वंगु बैठकं नेपाल मण्डल बन्दया झ्वलय् आक्रमण याईपं गुण्डातय्त कार्वाही यायेगु व घाःपाः जूपिंत नागरिक अभिनन्दन याइगु जूगु दु । संघर्षया ज्याझ्वःकथं नीखुम्ह नेवाः सभासद्तय्त नेवाः स्वायत्त राज्यया विषयसं सहलह यायेगु व संविधानसभाया खुसः व छम्ह दुजःतलिसे परार्मश यायेगु राज्य पुनः संरचना समितियात थःगु अवधारणासहितया ज्ञापन पत्र बिइगु व थःगु प्रस्ताव न्ह्यब्वयेगु थीथी पार्टीया शिर्षस्थ नेतातलिसे नापलायेगु ज्याझ्वः क्वःछ्यूगु दु । ईया विषयसं लिपा सहलह यानाः क्वःछ्इगु व मागया विषयसं छु नं सुनुवाई मजूसा धर्ना तथा कडा संघर्षय् कुहाँ वयेगु जानकारी ब्यूगु दु ।
