संघीय समाजवादी पार्टीया येँ जिल्ला तदर्थ समिति नीस्वन
संघीय समाजवादी पार्टीया येँ जिल्ला तदर्थ समिति नीस्वंगु दु । शनिवाः येँय् जूगु छगू ज्याझ्वःया दथुइ पार्टीया केन्द्रीय दुजः सानुराजा शाक्यया अध्यक्षताय् ७३म्ह दुजः दुगु समिति नीस्वंगु खः ।
पार्टीया केन्द्रीय दुजः सुवर्णमान डंगोलया सभापतित्वय् जूगु ज्याझ्वलय् मू पाहाँ कथं झायादीम्ह पार्टीया मू छ्याञ्जे राजेन्द्र श्रेष्ठं फुक्कं कथंया उत्पीडन अन्त्य यायेत संघीय समाजवादी पार्टी नीस्वंगु धयादिल ।
ज्याझ्वलय् पार्टी न्वकु प्रेमकृष्ण पाठक, सल्लाहकार समितिया सभापित मंगलसिद्धि मानन्धर, स्थायी समिति दुजः केवी घःजु, गणेश योञ्जन व रमेशचन्द्र प्रधानं नुगः खँ प्वंकादीगु खः ।
तदर्थ समितिया दुजःतय्त मू छ्याञ्जे श्रेष्ठं सपथ ग्रहण याकादीगु खः ।
