ज्वालामुखि मखु मि च्याःगु
रसुवाया उच्च हिमाली भेगय् च्वंगु लांगटांगय् विहिवाः ज्वालामुखि पिहांवःगु आशंका याःगु खःसा उगु ज्वालामुखि मखसे जंगलय् मिच्याःगु पुष्टि जूगु दु ।
येँपाखें लांगटांग वंपिं नेपाली सेनाया हेलिकप्टरं अनुसन्धान यानाः लिहां वयेधुंकाः जंगलय् मि च्याःगु पुष्टि याःगु खः ।
सदरमुकाम धुन्चेपाखें निन्हु न्यासिवनाः जक थ्यनीगु उगु जंगल दुगु थाय् लांगटांग व बृद्धिम गाविसया सीमानाय् लानाच्वंगु दु । स्थानीयबासीं सुथसिया झिताः त्याः इलय् मेकथंया नँस्वा व कुँ वःगु धायेवं अन हेलिकप्टर छ्वःगु खः । भीरपाखा व चट्टान दुगु उगु जंगलय् मि च्याःगु सैनिक जनसम्पर्क ज्याकुथिं न्ह्यथंगु दु । नापं सर्वसाधारणत आतंकित जुइमाःगु अवस्था नं मदुगु सेंनां धाःगु दु ।
