पार्टी स्वयां च्वय् सुं नं मदुगु : प्रवक्ता सापकोटा
एकीकृत नेकपा माओवादीया प्रवक्ता अग्नीप्रसाद सापकोटां सुं नं नेता पार्टी स्वयां च्वय् मदुगु जूगुलिं पार्टीयागु क्वःछिना प्रधानमन्त्रीं तक माने यायेमाःगु धयादीगु दु ।
रिपोर्टस क्लब नेपालं बुधवाः ग्वसाः ग्वःगु साक्षात्कार ज्याझ्वलय् न्ववानादिसें प्रवक्ता सापकोटां उगु खँ धयादीगु खः । वय्कलं प्रधानमन्त्री स्वयां पार्टी च्वय् जूगु नं धयादिल ।
ज्याझ्वलय् नेता सापकोटां छवाः दुने दलत दथुइ सहमति जुइ मफूसा हाकनं चुनाव जुइमफइगु धयादिसें व लिपा देश चक्रब्यूहस फँसे जुइगु ख्याच्वः नं बियादिल । वय्कलं बैशाखय् चुनाव जुइमफूसा जेठय् जूसां चुनाव यायेमाःगु धयादिसें यदि अथे मजुल धाःसा लोकतान्त्रिक गणतन्त्रयात असफल याइगु तत्वयात जक फाइदा जुइगु धयादिल । चुनावय् वनेगु विकल्प मदुगु नेता सापकोटाया धापू खः ।
