नेपाः भष्टाचार जुइगु देया धलखय् १३९गू थासय्
हलिमलय् भ्रष्टाचार जुइगु देय् मध्ये नेपाः १३९गू थासय् लाःगू दु । ट्रान्सपरेन्सी इन्टरनेशनलं १७६गू देशय् याःगु सर्वेक्षण कथं नेपाः २७ ल्ययाः हया १३९ थासय् लागू खः ।
नेपालय् राजनीतिक संक्रमणया बहानाय् सरकार, राजनीतिक दल व नेतृत्वत भ्रष्टाचार नियन्त्रण यायेगु ज्याय् गम्भीर जूइ मफुगु खँ ट्रान्सपरेन्सी इन्टरनेशनल नेपालं धाःगु दु । न्हापांगु दँ १८३ देशय् सर्वेक्षण यायेगु झ्वलय् नेपाः १५४गू थासय् लागू खः ।
दक्षिण एशियाय् अफगानिस्तान दकलय् अप्व भ्रष्टाचार जुइगु देय् खःसा भुटान दकलय् कम भ्रष्टाचार जुइगु देय् जुगू दु । अफगानिस्तानं १७४ व भुटानं ३३ ल्याः हःगु खः । अथेहे भारत ९४गू ल्याखय्, पाकिस्तान व नेपाः १३९ थासय् दुसा बंगलादेश १४४ थासय् दु ।
ट्रान्सपरेन्सीया धलख्य् दकलय् कम भष्टाचार जुइगु देय् कथं डेनमार्क, फिनल्याण्ड व न्यूजील्याण्ड लाःगु दु । थुगु स्वंगूलिं देय् नं ९० ल्याः हःगु खः । अथेहे स्वंगू देय् लिपा स्वीडेन, सिंगापुर, स्वीट्जरल्याण्ड, अष्ट्रेलिया, नर्वे, क्यानडा व नेदरल्याण्ड कम भष्टाचार जुइगु देय् जुगू खँ प्रतिवेदनय् न्ह्यथनातःगु दु । दकलय् अप्वं भ्रष्टाचार जुइगु देय् कथं धाःसा अफ्रिकन देय् सोमालिया जुगू दु ।
