२०६८ जनगणनाया लिच्वःया विरोधय् ज्ञापनपौ व धर्ना ज्याझ्वः
केन्द्रीय तथ्यांक विभागं पितब्यूगु २०६८ जनगणनाया लिच्वःया विरोधय् नेपाल आदिवासी जनजाति महासंघं वइगु मंसिर १७ गते आइतवाः १२ ताः इलय् ज्ञापनपौ लःल्हायेगु व धर्ना बिइगु ज्याझ्वः क्वछ्यूगु दु ।
क्वछ्यूगु ज्याझ्वः कथं केन्द्रीय तथ्यांक विभागय् धर्ना बिइगु व ज्ञापनपौ प्रधानमन्त्रीयात लःल्हायेगु खँ जनजाति महासंघया मू छ्याञ्जे आङकाजी शेर्पा धायादिगु दु।
ज्याझ्वःया झ्वलय् नेपाल आदिवासी जनजाति महासंघया फुक्क जिल्ला समन्वय परिषदं जिल्ला प्रशासनया ज्याकु न्ह्यने व विदेशय् च्वंगु नेपाल आदिवासी जनजाति महासंघया कचां अनया नेपाःया दूतावस धर्ना व ज्ञापनपौ लःल्हायेगु ज्याझ्वः क्वछिनातःगु दु । उगु ज्याझ्वया नारा कथं '२०६८ जनगणना तथ्यांक होईन मित्थ्यांक हो, मित्थ्यांक हामीलाई चाहिन्दैन , मित्थ्यांकक लागु गर्न र यस्को आधारमा कुनै पनि योजनाहरु तर्जुमा गर्न पाइन्दैन' धकाः नारा बिउगु दु ।
