चुनाव यायेत पुस १५ न्ह्यः कानुन बिइत आयोगया माग

बैशाखय् निर्वाचन यायेगु निंतिं पुस १५ गते न्ह्यः निर्वाचन यायेत माःगु संशोधित ऐन कानुन बिइत निर्वाचन आयोगं इनाप याःगु दु ।
शुक्रवाः निर्वाचन आयोगया पदाधिकारीपिं प्रधानमन्त्री बाबुराम भट्टराईयात सिंहदरबारय् नापलाना पुस १५ न्ह्यः ऐन, कानुन आवश्यक जुगू व राजनीतिक सहमतिलय् चुनावया तिथि घोषणा यायेमाःगु व निर्वाचन यायेगु निंतिं निर्वाचनया लकस दयेकाबिइत आयोगया कार्यवाहक प्रमुख निर्वाचन आयुक्त दोलखबहादुर गुरुङ व आयुक्त अयोधीप्रसाद यादवं प्रधानमन्त्रीयात माग याःगु खः । नापं आयोगं वइगु निर्वाचन विधुतीय मेसिनं मतदान यायेत तयारी यानाच्वगु धासें थुकिया निंतिं माःगु बजेटया ब्यवस्था यानाःबिइत इनाप याःगु खः ।
निर्वाचन आयोगया पदाधिकारीपिंत लिसः बिइगु झ्वलय् प्रधानमन्त्री बाबुराम भट्टराईं सरकारं सहमति यानाः माःगु ब्यवस्था यायेगु, निर्वाचन आयोगं थःगु आन्तरिक कथं यायेमाःगु तयारी यायेत उजं बिइगु खँ आयोगंया पदाधिकारी धाःगु दु ।