छवाः दुने सहमतिया सरकार बियेत राष्ट्रपतिया आब्हान
राष्ट्रपति डा रामबरण यादवं राजनीतिक दलतय्तं छवाः दुने सहमतिया राष्ट्रिय सरकार नीस्वनेया निंतिं आव्हान याःगु दु ।
राष्ट्रपति ज्याकुथिं छगू बक्तब्य पिथना अन्तरिम संविधानया धारा ३८ या उपधारा १ कथं छवाः दुने सहमतिया सरकार नीस्वनेया निंतिं सहमतिया प्रधानमन्त्रीया उम्मेदवार बिइ आव्हान याःगु दु । अथेहे देय्या विद्यमान राजनीतिक व संवैधानिक गतिरोधया अन्त्य यासें जनताया चाहना कथं संविधानसभा पाखें न्हूगु संविधान दयेका देय्यात निकास बिइगु सन्दर्भलय् सम्मानित सर्वाच्च अदालतया आदेशयात नं ध्यानय् तयाः सरकार, राजनीतिक दलया नेता व प्रतिनिधित नापं सहलह यानाः नं संविधानसभाया अवशान जुइधुंकाः थःहुतक नं राजनीतिक सहमतिया निंतिं निरन्तर कुत जुयाच्वसां राजनीतिक सहमति जुइमफुगुलिइ राजनीतिक व संवैधानिक निकास वयेमफुगुलिइ, व प्रधानमन्त्रीया चयन जुइमफुगुलिइ थ्वः विज्ञप्ति पिथनगु खः न्ह्यथनातगु दु ।
