डाक्टरया लापर्बाहीं बिरामी मन्त

यलया पाटन अस्पतालय् चिकित्सकया लापर्बाहीया हुनिं छम्ह मनू सीगु दु । जण्डिसं बिरामी जुयाः अस्पताल भर्ना याकूम्ह बुङ्ग यलया स्वीच्यादँया राजु महर्जनया वासः यायेगु झ्वलय् वंगु बहनि पाटन अस्पतालय् सीगु खः ।

बी पोजेटिभ रक्त समूहया महर्जनयात चिकित्सकं ए पोजेटिभ हि ब्यूगु हुनिं बिरामी सीगु सीम्हसिया छेँजलं जानकारी ब्यूगु खः । चिकित्सकया कमजोरीया हुनिं बिरामी सीगु अस्पतालं स्वीकार याःगु दु ।

बिरामीयात ब्यूगु हिया ग्रुप मिलेमजूगु हुनिं हे बिरामी सीगु पाटन स्वास्थ्य विज्ञान प्रतिष्ठानया उपकुलपति डा. संगिता भण्डारीं जानकारी बियादीगु खः ।

चिकित्सकया लापर्बाहीं बिरामी सीवं सर्वसाधारण व थःथितिपिंसं अस्पतालय् प्रदर्शन नापं याःगु खः ।