पाटन अस्पतालया ओपिडी चाल
प्राध्यापक, डाक्टर लिसे कर्मचारीपिनिगु आन्दोलनया हुनिं बन्द जुयाच्वंगु पाटन स्वास्थ्य विज्ञान प्रतिष्ठानया ओपिडि थौंनिसें चाःगु दु ।
स्थानीय बासिन्दा व सर्वसाधारणं ओपिडि बन्द मयासें मेगु आन्दोलन यायेत सुझाव बीवं आन्दोलनरत कर्मचारीतय्सं थौंनिसें ओपिडि चायेकूगु खः ।
ल्वगिपिंत समस्या पिज्वःगुलिं आःथत्थेंया नितिं ओपिडि लगायतया सेवाय् पंगः मथनेगु जानकारी ब्यूसां नं उमिसं उपकुलपति व शिÔाध्यÔया राजीनामा मवत्तले नाराबाजी व धर्ना धाःसा न्ह्याकाः च्वनेगु न्ह्यःथंगु खः ।
वंगु असोज २७ गतेनिसें आन्दोलन यानाः नं सरकारं बेवास्ता याःगु न्ह्यःथना आन्दोलनरत पÔं शुक्रवाःनिसें ओपिडि सेवा बन्द याःगु खः ।
थुखे उपकुलपति संगीता भण्डारीं आन्दोलनरत पक्षं समस्या समाधानया नितिं वार्ताय् च्वनेत नं तयार मदुगु व आन्दोलन नं न्ह्याकाः च्वनेगु उमिगु प्रवृति गलत जूगु न्ह्यःथना आन्दोलन निरर्थक जूगु धयादीगु खः ।
वय्कलं शिक्षाध्यक्ष सौम्या भट्टाचार्यया नियुत्ति नियम संगत जूगु व थःम्हं संस्थानया हित अःखः छु नं ज्या मयानागुलिं राजीनामा मबीगु नं स्पष्ट यानादीगु खः ।
