धार्मिक रथयात्राया अभियानलय् राप्रपा नेपाल
राप्रपा नेपालं देय्यात हानं हिन्दु राष्ट्र द्येकेता झिनू रथयात्राया ज्याझ्वः घोषणा याःगु दु ।
स्वनिगलय् याःगु छगू ज्याझ्वया दथुइ राप्रपा नेपालया नायः कमल थापां झिनूया रथयात्राया घोषणा याःगु खः । रथयात्रा जनकपुर–लुम्बिनी–विन्ध्यवासिनी निसें पशुपतिनाथ तक रथयात्रा जुइगु खँ कमल थापा धाःगु दु ।
जनकपुरं न्ह्याइगु उगु रथयात्रा लुम्बिनी, बिन्ध्यवासिनी जुया पशुपतिनाथलय् थ्यना विसर्जन यायेगु खँ धाःगु दु । रथयात्रा देय्या १८ गु जिल्लालय् चाहिकेगु व यात्राया झ्वलय् १६० थाय् धार्मिक सभा व मुँ धार्मिक थाय् धार्मिक अनुष्ठान यायेगु खँ धाःगु दु । थ्व धार्मिक यात्राया मुँ नारा ‘सर्वधर्म सम्भावपूर्ण धार्मिक स्वतन्त्रता सहितको सनातन धर्म सापेक्ष हिन्दुराष्ट्र कायम गराऔं’ जुइ ।
