प्रचण्डयात न्यतालय् नक्कुम्ह वाग्लुङ्गया पदम कुँवर

एनेकपा (माओवादीं) शुक्रवाः ग्वसाःग्वःगु तुच्चा ज्याझ्वलय् छम्ह कार्यकर्तां अध्यक्ष प्रचण्डयात न्यतालय् नक्कूगु दु । नेपाल संवत् ११३३ न्हूदँया लसताय् येँया भृकुटी मण्डपय् ग्वसाःग्वःगु उगु तुच्चा ज्याझ्वलय् बागलुङ्गया कार्यकर्ता २५ दँया पदम कुँवरं अध्यक्ष प्रचण्डयात न्यतालय् दाःगु खः ।

आक्रोशित मेपिं कार्यकर्तातय्सं कुँवरयात नं कसाःयाःगु खःसा कुँवर प्रहरीया नियन्त्रणय् दु । घाःपाः जूम्ह कुँवरयात अस्पताल यंकेत्यंगु दु ।

छुं ई न्ह्यः नं नेपाली कांग्रेसया सभापति सुशील कोइरालायात येँया ४ नं क्षेत्रया तःमुँज्याय् थःहे कार्यकर्तां ल्हाः वाःगु खःसा नेकपा (एमाले)या नायः झलनाथ खनालयात नं प्रधानमन्त्री जुइ न्ह्यः थःहे कार्यकर्ता न्यातलय् दाःगु खः ।