निवाःदुने चुनावया तिथि क्व:छीगु प्रधानमन्त्रीया दाबी
प्रधानमन्त्री डा.बाबुराम भट्टराईं निवाः दुने संविधानसभा निर्वाचनया तिथि घोषणा यायेगु खँ धायादीगु दु । कोटेश्वरय् किजापुजा यायेधुंकाः सञ्चारक:मितय् नापं खँल्हाबँल्हा यायेगु झ्वलय् थ्व खँ धयादीगु ख: । प्रधानमन्त्री डा.भट्टराईं दलीय सहमतिइ मंसिरया निगूगु वाःलय तक चुनावया तिथि घोषणा यायेगु खँ धयादिल । दलतय्या दथुइ वइगु बैशाखलय् निर्वाचन यायेत सहमति जुइधुंकगु खँ न्ह्यथनादिल ।
सरकारया नेतृत्वलय् जक सहमति जुइ ल्यं दनि धासें प्रधानमन्त्रीं थःगु सरकारयात सहमतिया सरकार कथं कायेमाःगु धयादिल । संसद मदुगु इलय् बैधानिक लं न्हूगु सरकार दयेकेफइमखु प्रधानमन्त्रीया धापू खः।
