प्रधानमन्त्रीपाखें पुलाम्ह जुजुया सुविधा लितकायेगु ख्याच्वः
प्रधानमन्त्री डा। बाबुराम भट्टराईं पुलाम्ह जुजुयात बियातगु सुविधात लितकायेगु ख्याच्वः बियादीगु दु । थुगु इलय् पुलाम्ह जुजु थःगु हैसितय ल्वःमंका सक्रिय जुइत स्वःगु धासें प्रधानमन्त्री भट्टराईं हान थःज्यागु ज्यायात निरन्तरता बिल धाःसा पुलाम्ह जुजुया हैसियतं बियातगु सुविधा लित कायेगु ख्याच्वः बियादिल ।
बिहीवाः नेपाल पब्लिक क्याम्पस सङ्घया राष्ट्रिय महाधिवेशनयात सम्बोधन यासें प्रधानमन्त्री भट्टराईं पूर्ण बजेटया अभावं देशय् गम्भीर सङ्कट वयेफइगु खँयात ध्यानय् तया दलत सचेत जुइमाःगु धायादिल । देशय् आर्थिक सङ्कटं वये मबिइत बजेट अपरिहार्य जुगू तर्क नं प्रधानमन्त्रीं बियादिल ।
अथेहे वय्कलं सङ्क्रमणया झ्वलय् देय्यात राजनीतिक सङ्कटं जोगे यानाःतय्त समाजया सचेत वर्गं नेतातय्त सकारात्मक दबाब बिइमाःगु न्ह्यथनादिल ।
