थुगुसीया शंखधर हना पुलांम्ह प्रमयात

राष्ट्रिय बिभुति शंखधर साख्वाःया नामं नीस्वनातःगु शंखधर हना थुगुसी पुलांम्ह प्रधानमन्त्री मदुम्ह कृष्ण प्रसाद भट्टराईयात लःल्हाइगु जूगु दु ।

दँयदसं लःल्हाना वयाच्वंगु थुगु हना थुगु दँय मदुम्ह पुलांम्ह प्रधानमन्त्री भट्टराईयात लःल्हायेगु शंखधर साख्वाः प्रतिष्ठानया मुँज्यां क्वःछ्यूगु खः ।

मदुम्ह भट्टराई प्रधानमन्त्री जूबलय् नेपाल संवतया प्रवर्तक शंखधर साख्वाःयात राष्ट्रिय विभूति घोषणा याःगु खः । थुकीयात हे हना कथं प्रतिष्ठानं वय्कःयात हनेगु क्वःछ्यूगु खः ।

मदुम्ह भट्टराईं २०५६ सालय् साख्वाःयात राष्ट्रिय विभूति घोषणा याःगु खः । थुकथं हे प्रतिष्ठानं ईतिहासविद् डा. जगदीशचन्द्र रेग्मीयात नं हनीगु धाःगु दु ।