थौं स्याक्वत्याक्व

मोहनीया गुन्हुगु न्हि थौं महानवमी अर्थात स्याक्वत्याक्व । थौंया दिनस थी थी द्यःयाथाय् नःलि स्वां तयाः द्ययेके वनीगु खःसा धुकू स्वनातःगु थासय् पुजाआजा याइ । थौं दच्छियंक छ्यला वयाच्वंगु ज्याभःयात नं बलि बियाः पूजा याइगु चलन दुसा गाडि, मोटरसाइकल आदि बाहानय् नं खा, हेँय्, ख्येँय् आदि स्याना पूजा याइ ।

थौंया दिनस येँया लाय्कुलिइ च्वंगु तलेजु देगः चायेकेगु न्हि खःसा अन दर्शन याःवनीपिं मनूत म्वःम्वः दइगु खः ।

अथेहे वंगु चान्हय् कालरात्री धकाः स्वनिगःया लाय्कू दुने तलेजु भवानी हयाः द्यःया न्ह्यःने न्यय्प्यम्ह न्यय्प्यम्ह दुगु म्ये बलि बीगु ज्या जूगु खः ।